يا بحر غدرك واضح بضحك الأمواج
ويضيق الخاطر دمـوع التماسيـح
قاعك حبيس الصمت والموج هراج
في الغبه كنوزك وعنـدي مفاتيـح
شفني على شاطيك في يدي سـراج
والليل قمرا غير انا آقـوم وآطيـح
أخاف يكشف سري الموج لا هـاج
مفروض تفهم حالتـي دون تلميـح
مافيه هـم إلا وسـط خافقـي لاج
ومافيه حـزن إلا بكتـه التباريـح
ما يبرح الخفـاق والظلـع منعـاج
والأورده لأثقل همومـي مراجيـح
تبرق صدوف الدهر والدمع ثجـاج
والحظ ينبت يـوم وتهبـه الريـح
يا بحر نا جيتك ولو طعتنـي نـاج
ناج السواحل وأسأل الورد والشيح
يا بحر مافي الأرض لـول وديبـاج
ولا سقى الضامي مـزون مراويـح
يا بحر جلت الأرض وآدور عـلاج
والحال متردي ومحتـاج تصحيـح
لعل في غبتـك مالضيقـه أفـراج
وأصبر على موجك ولو فيه تجريح
يا بحر شحت الأرض ويمن هـداج
وأنا عزيز ما أبـي منـة شحيـح
وقفت كريم فزع لي قبل ما أحتـاج
ولا بخيل ما فزع لي وانـا آصيـح