البارحه مابين حلم و تمني
تاهت بي الشرهه وبانت مواريك

خابت ظنون العشق او خاب ظني ..
ولا الرجا ضيع دروب توديك

المشكله ماغير حبك كسرني
وانا العزيز الي رضخ من تغليك

مجنون بك متولعن فيك يعني
بايع جميع الناس لاجلك وشاريك

إفهم حياتي دون وصلك رمتني
ابطيت في بعدك وطالت حراويك

لولا غلاك وحبك الي ملكني
مبطي نسيتك يوم تعلن تجافيك

ولولا المسافه الي تبعدك عني
جيتك حبيبي ارتمي بين اياديك

ولولا مشاريه وسلوم تحكمني
جيت وخذيتك بين منهو حواليك

لكن حبيبي إليا متى تمتحني
واليا متى قلبي كسير لمعاليك

شوقي يزيد وزاد وياه ونيّ
اشعلت في حدب الضلوع بتماديك

يامن طغى بالهجر بعد التجني
انبح صوتي وانت مبعد واناديك

اسقيك من دم العروق و تمني
هذي سواتك صرت كني معاديك

البارحه ماأمسيت طيفك جبرني
اذرف دموع العين واندب طواريك

واليوم يالي رمش عينك فتني
استسمحك في النوم يمكن الاقيك


مما راق لي..