صندوق الاحساس

تاريخ التسجيل : 20/12/2009

الليـل .. يا سـمّـار .. بيـتـي .. وداري

مستودع اسراري وصندوق الاحساس

من لامني في الليــل .. ماهــو بداري

انّي أنــا .. والليـل صحبـه .. وجـلاس

أغليـه .. وارخص لجْل عـينه نهـاري

غالي ومن زود الغـلا .. ماله اقيـاس

وزاد الغـلا .. ما عاد للشمس طــاري

لا غاب قرص الشمس ماكنّي في النّاس

أشتـاق له .. واهــدم عشــانه جـداري

وابني من احساسي بيوتٍ على ساس

أعـشق توالي الليـل .. احب المساري

وآخـاوي نجـوم ٍِ لها .. لمعـة ألمـاس

وآحب لي نجـمــة .. تغيــظ الغـــداري

أسـري لها ليـلي .. ولا غـيري عسّاس

حبيبتي نجـمـه .. لهـا جـسْـم عـــاري

صورتها مرسـومه على وجه قرطاس

وفي صدرها طعـسين .. ماهي صحاري

آنـا خبيـر ٍِ .. بالصحـاري .. والاطـعـاس

يتـوه فيـها .. لا ســرى الليــل ســاري

وطعـوسها .. يلقى بها قلبي احـسـاس

لا حْـد ٍ يـروح بْعـيـد .. ماني نـزاري

آنـا وريث الطيـب .. والدين لي ساس

فكـري يـروم الريـم .. عـاف الحبـاري

وريم القصـايد .. ما تجي دون وسواس

من دونـها .. حالت أســــود ٍ ضـواري

وبيني وبين عْيــونها .. صفّ حــرّاس

والقـاهـا في ليلي .. وانا الليـل داري

مستودع اسراري .. وصندوق الاحساس

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 10/02/2010

lor=red]]الله يديك العافيه

تقبل مروري[ندعوك للتسجيل في المنتدى أو التعريف بنفسك لمعاينة هذه الصورة]

[/size]

تاريخ التسجيل : 10/12/2009

ممتاز ابو اشتياق على هالابيات الجميله انت موبدع انا اجيز هذه القصيده

تاريخ التسجيل : 18/01/2010

مفرداتك ما يخطه قلمك اكثر من رائع