البارحه ليـل الولـه فيـه تشويـق
وكم ليلتـن دار الخيـال وسريتـك



بالهاجس اللي حط بصمـه وتوثيـق
لو ماكتـب فـي غيبتـك ماقريتـك



الثلج ذاب وغيبتـك تشحـط الريـق
متى تبل ارمـاق شوقـي ضميتـك!



اسقيتنـي بعـدك وتبغانـي افـيـق
وشربتني كـاس الفـراق ورويتـك



علقتنـي فـي غيبتـك دون تعليـق
ودورت لك عذر الغيـاب وعفيتـك



واغرقتني في بحر الاشواق تغريـق
وصلتني امـواج الغيـاب ورسيتـك



مابيـن تغريبـن ومابيـن تشـريـق
صديت عن درب الملا.. واحتريتك..



بدموعي اللي مـن هدبهـا ملاحيـق
في غيبتك هاض الضميـر وبكيتـك



واصبري اللي حب كفي من الضيق
ليتك تحس بضيقـت الصـدر ليتـك



الى متـى بيبـان وصلـك مغاليـق
والـى متـى وانـا اتأمـل فديتـك



ياصاحبـي دام المحـبـه توافـيـق
امـا تجـي والا علـى الله نسيتـك



والا على ماقيل مـن بـاب تعليـق
ليتك تبل ارماق شوقـي ضميتـك!!