شهر واسبوع والله ماتحمّلـت الفـراق سبـوع
انا بامشـي واذا الله كاتـبٍ لـي شـي يلقانـي
من اْوّلها خطأ.. لكنّْ عـذراً والخطـا مرجـوع
وانا عـذري فراشـات الولـه قامـت تحدانـي
تطير وتنتشر في كـل احمـر داخلـي مـزروع
تبللني بنفسـج ليـن ماتلعـب علـى اغصانـي
تعبت اعد ساعات استلامي ليـن اجـي ميقـوع
تعبت آعيـد لحظـات الـوداع اللـي تقهوانـي
انا من وين جيت / وجبتني ياحظـي الموجـوع
انا وشلون اروح .. الا لانك طحـت ماامدانـي
الاياحظ خذنـي قـد عقلـي وافهـم الموضـوع
ابيك تكون صفي لوشهـر تكفـى علـى شانـي
وانا في ذمة اللي تحـت ظلّـه مالحقنـي جـوع
وانا في ذمتي بعـض القلـوب اللـي تحرانـي
حبيبي والله ان الحب نعمـه والحيـا.. متبـوع
وانـا لـولاي احبـك ماتكبّـدت العنـا عانـي
( واذا كانت صعوبة شوفتي لك مثل حب الكوع !!
تبي تبقى كثير وصورتك فـي داخـل اعيانـي )
حبيبي وكل الله وانـت تـدري يافريـد النـوع
بانـي مستحيـل احـب غيـرك واحـدٍ ثانـي
وعن غيرك تطمن دوم قلبي لوحـة الممنـوع!!
مسويهـا لانـي مافتحـت القـلـب مجـانـي
انااكبر مستحيل اقولها فـي صوتـي المسمـوع
على غيرك حبيبي / وانت تجري وسط شرياني
مادام الله رزقني طيبتك يااطهـر مـن الينبـوع
طبيعي لو بجيك من البحـر والملـح مااروانـي
( قليلك في عيونك).. لوتجي للصـدق يالدلـوع
كثيـر وتمتليـه عيونـي الثنتـيـن بجفـانـي
سموّك بالتواضع يرفعك ياجيـت لـي بخضـوع
اشيلك في عيونـي واتـرك الباقـي لوجدانـي
مكانك يالغلا دونه حمايـه مـن ثمـان ضلـوع
ولاهو بأي قلب / اللـي سكنتـه قلـب (.....)
يكفّيك ان (.....) شاعـرك ياحبّـه المشـروع
وانا لو ماوفيت لحب مثلك قلـت وش جانـي؟!!
قسم بالله لو مالي امل / والا الرجـاااا مقطـوع
لجنّنـي قصيـده عاقلـه تبكـي علـى جنانـي
بجيك وفي يدي لعيونك الثنتين خمـس شمـوع
يولعها اشتياقي مـن عطـر خمسـك وتدفانـي
بجيك وكان ودي لـو معـي ديوانـي المطبـوع
بشوفك وانـت تتأمـل كثيـرك وسـط ديوانـي
