تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!

sms كتب:

كلام جميل
من قلم جميل ومميز
[ندعوك للتسجيل في المنتدى أو التعريف بنفسك لمعاينة هذه الصورة]

لك مني جزيل الشكر على مرورك الرائع

دمت بود الجميع

مع كل الاحترام والتقدير


اختك
بنوتة

تعبك راحه كتب:

كلمات في غايه الروعه والألم

انتقاء مميز

بأسلوب راقي وجذاب

راقت لي

تعبك راحه

شاكر لك اخوي مرورك الاكثر من رائع

دمت ودام غاليــــــــــــك

لك مني كل الاحترام والتقدير

بنوتة

مرهف الاحساس كتب:

قمة في الروعة ومميزة كعادتك وتسلم يداك

وأنا أقول :

رجعت بعد طول غياب وتدري ليش أنا غايب

لان الحـــب داهـمني ولاني مـرهف الاحســاس

يكمن في رجعتي أخطيـت ويمـكن في رجعتي صايب

بس في رجعتي مقـصـد وضرب أخمــاس في أسداس

أنا للطيـب خير عنـوان طـفل وشاب وشايب

وعن الشر أنا مبعد وأحب الخير لكل الناس

شاكر لك اخوي مرورك الاكثر من رائع

وشاكر لك قصيدك والي ظبتها على نفس القافية

وانا بعد اقول ( بقلمي )

رجوعك لنا وللمنتدى كان حكم صايب
وقلبي من طول الانتظار مل وفقد الاحساس

ومع الوقت بدات افقد الامل وظني خاب
بس ياخوفي من ضربك للاخماس والاسداس

عسى برجوعك تدخل السرور بقلوب الاحباب
ومن عرفك ماعرف طريق للشر يامنبع الاحساس

اسئلة كثيرة تدور بمخيلتي وماوصلني جواب
يا الله ياعسى رجوعك يدوم وماتبكيك عيون الناس


ها وش رايك يامرهف الاحساس تعقد معي صفقة لعمل ديوان شعر
ايه وترى عندي كم قصيدة ماهي راضية تكتمل لها شهور شكلي بعطيك اياها وتكملها دام عندك موهبة جميلة بكتابة القصائد وطبعا تردها لي ههههه مااحب السرقة من بدايتها

وللمعلومية قصيدة علاجي بس لو اسمع من لسانك عسى لاباس للشاعرالكبير احمد الصانع مو لي للامانة


دمت بود الجميع

بنوتة

صح لسانك
وأنا تحت أمرك هاتي ما عندك من قصايد
وإن شاء الله أقدر أكملها
بس اللي تعجبني ما راح أردها ههههههه

دمتي بود ..
مرهف الاحساس ..

مرهف الاحساس كتب:

صح لسانك
وأنا تحت أمرك هاتي ما عندك من قصايد
وإن شاء الله أقدر أكملها
بس اللي تعجبني ما راح أردها ههههههه

دمتي بود ..
مرهف الاحساس ..

صح بدنك

مايامر عليك عدو

على هالخشم بس بعد ماكملت ردك هونت هههههههه لاني واثقة من كتاباتي وقلمي ابد مايخذلني

ماتقصرهذا من طيب اصلك بس بعد بحاول نفسي طويل وصبورة وبتكتمل ان شاء الله

شاكر لك مرورك لثاني مرة

لك مني كل التقدير والاحترام

دمت لمن تحب

اختك
بنوتة