ارضي غرورك واعتذر دون ما خطى !! ,
وينك البارح سألت الليل ما قلت ارجعي
قلت أبستقصي الظروف و حجة الغايب معه
من يكون اللي إلا من غاب هيّض مدمعي
وان وصلته شفت أنا طيفه جهاتي الأربعه
يآبني آدم
يآبني آدم !
دقيقه لو تكملها معي
لأشتعل بآخر شبابك وأنطفي في مطلعه
من تناسيتك عرفت الهم وأفقدني الوعي
وارتخى بين المحبّه والظروف المفجعه
وان ذكرتك صرت أغنّي " جرح في طرف اصبعي "
وأدعي الله لا ذكرني بس يناظر فاصبعه
ما قدرت أهزم عذابك وأعطي الفرقى سعي
وأشهد بربّي ربحتي وأرفع إلك القبّعه
وانتي يا نفسي تحلّي بالصبر لا تجزعي
ما بعد سود المصايب فالزمن غير السعه
ان عشق يعشق ولكن موقعي هو موقعي
يعجزون الجن الأزرق يحدثون الزعزعه
ولا أنا بصبر تيمّن في كلام الشافعي
" أن يشاء اليوم فعلا يا بني آدم دعه "
وأوعدك بنسى وبسلى وأبتعد لا واسمعي
ان وصل طاريك لمّي أشهد انّي بقلعه
وانتي لا منّك عشقتي بطلبك شوفي اصبعي
وأسألك بالله كم هذا " ؟! " تقولين اربعه
وأكتشف انّي قدرتك وأعطي انجازي سعي
وانتي لا منّك لمحتيني رفعتي القبّعه
تدري لو اني خسرتك
ثم ربحت الكون كله
ما اعتبر نفسي ربحت
تدري وش يعني فديتك؟
انك اكبر عندي امن الكون واهله
ومالي بالدنيا مكان(؟) دام رحت
طب عشان اللي مضى بيني وبينك
معتبر انها اخوه او صداقه اي حاجه مو مهم
المهم تبقى معي وبين اضلعي اذا سمحت
شفني يوم انك مشيت
كم صرخت وكم حكيت:
اعتذر ماكان قصدي
وكم على شانك شرحت
لين ماعادت عظامي تحتملني
كنت اكابر لين طحت
ياللي تحكي عن جروحك
صدق اني قبل ما اجرحك انجرحت
لو خسرتك قلي بالله اش ربحت!!
