بنقل لكم قصه واقعيه يمكن بعضكم سمع فيها
اثنين اخويا
سلطان بن رباح ومحمد بن عقيل
جمعتهم اخوة الدنيامن يوم كانو صغار
كبروا وتزوج سلطان وجاه ولد وسماه محمد على اسم خويه من كثر مايغليه
كانوا يحبون القنص وطلعوا الاثنين مع بعض
محمد كان يسوي الغداء وسلطان ينظف السلاح
كان في رصاصه مادرى عنها سلطان وضغط الزناد باالغلط
توفى محمد وشاله خويه وسلم نفسه
طلبوا اهل سلطان تنازل لكن الديه وصلت 10 مليون
ورفضوا الا راس براس
والصدفه الغريبه ان قبر سلطان جمب قبر محمد
يعني اخوان في الدنيا وجيران في القبور
وهاالقصيده انكتبت فيهم تحكي قصتهم-------
يافلاح الهم خيم فوق قلبي يافلاح
كيف تبغاني اسولف وانت خابرني عليل
وش قولك في عليل في حياته مااستراح
تنتثر دمعة عيونه لااظلم الليل الطويل
حالته لاماتباعد حال سلطان الرباح
باالخطا راحت حياته والخطا ماله مثيل
كان ويا صاحبه اثنين في ارضا براح
يطردون الصيد دايم من الصبح لين المقيل
جمعتهم صحبة الدنيا على جد ومزاح
مايهابون الليالي والحمول اللي تميل
ماقتل عامد ولكن ثور ابليس السلاح
باالخطا ثار السلاح ووين يلقى له دليل
وانعقد سجنه وربعه تنتظر فك الصراح
والاكيد انه سجين ومارضوا ربع القتيل
هل دمعه يوم صلى ركعتين في الصباح
في نهار الجمعه اللي من ثقيلا في ثقيل
هلل وكبر ونفسه تذكر اللي راح راح
كان في ربعه عزيز وذله الوقت الذليل
لامحمد لاتهاني لاسعود ولاصلاح
كلهم كانوا على باله وهمه في هديل
طفلة ماكملت عامين صايبها كساح
وانتثر دمعه وحاله من سبايبها نحيل
حان تنفيذ القصاص وغطوا الراس بوشاح
وجاك سيافه يشيل السيف ابو حدا صقيل
ارتخى راسه وزاد الموقف الحامي صياح
بين نوح وبين دمع وبين صيحات وعويل
وارتفع صوت الحشود وزاده محمد وصاح
يايبه تكفى دخيلك تستمع قول الدخيل
يايبه وشلون نصبر؟كيف نهجع بأرتياح
وانت من دنيا عيالك ماخذك مر الرحيل
يامحمد هاك علمي واحفظه قبل المراح
انتبه لاخوانك وبالك عليهم لاتعيل
والله الله في الصلاه وفي الصيام وفي الصلاح
والله الله في امكم والله لكم بعدي كفيل
غمض عيونه ونفسه تطلب الله السماح
رافعا سبابة المظلوم والله الوكيل
وسل سياف الصفا سيفه وطقه ثم طاح
راس سلطان المراجل وانتثر دمه يسيل
غسلوه وكفنوه وفاح طيب السدر فاح
وباالمصادف صار قبره جمب قبر ابن العقيل
يافلاح الكارثه ماهي سوالف يافلاح
خلني ساكت ودور غير هاالقصه بديل
