حلـوة ولا يحتــاج زايــد حــلاوه
يكفيك من معنى الحلا ربع مافيك
زين العرب عادي وزينك نقـاوه
سبحان ربي يوم خلقك مســـويــك
أعطاك من زين الحظر والبداوه
تهتي بزينك والبـها صار مطـغـيك
غصنك ليا هب الهوا به طـراوه
والرجل تقصر عنك والنفس تبغيك
انـتي بعـيد عنك معنى القـسـاوه
يافــتـنة كـل الغـنج في تـثـــــنـيـــك
لولا اني أخشى تحسبيها عداوه
لافرح بحبسك عن عــيون تراعيك
أنا بـلا شـوفــك حـيــاتـي شـقاوه
والقى الفرح من كلمة بين أشافيك
لاصرت انا كلي حلالك فديتك
ليه العتب والضيق يانور عيني
في ذمتي ماغيرك اللي هويتك
وماغيرك انتي بالغلا محتويني
يعني بلاش من العتب لاحكيتك
مايكفي اني يوم شفتك عطيتك
قلبي وسلمته مغلف بيديني
اجل فديتك طالما ماحييتك
لاتشغلين القلب لاتجرحيني
انتي هنا في وسط قلبي وبيتك
حدب الضلوع وساكنتني وفيني
ضامي غلاك ولاضميتك رويتك
واسقيك كل الي بقى من سنيني
وانا احبك موت من يوم شفتك
والموت شفته صار بينك وبيني
يعني عشانه صار بيني وبينك
تتعمدين الضيق ماترحميني
الي بقوله يالغلا بس ليتك
ليتك تشوفي منزلك وسط عيني
ابي افهم ليه الزعل فديتك
وليه الجفا والصد يابعدي
ارحمي حالي
