الي هتف باسماه قلبي وناداه

تاريخ التسجيل : 20/12/2009

اللي هتف باسماه قلبي وناداه
حتى الضلوع بوجدها صفقت له

اللي غرامه تل قلبي من أقصاه
وبالدمع عيني خيلت وامطرت له

اللي عسفت النفس لاجله ولرضاه
والرجل في سمر الغداري عنت له

بيا سبب عهد الهوا ليه ينساه
وينسى تخطي رجلي اللي خطت له

الرجل لو هو نازح الدار تنصاه
على حثاث القاع يا ما مشت له

أموت من فرقاه واحيا بذكراه
والروح خلت جسمه وانتحت له

قولو له أنه عذب القلب وأدماه
وحي يود لقاه ماله بقتله

ياكود والله غيبة عقب لاماه
وعيني بكت فرقاه ثم اخجلت له

ماصاب قيس بحب ليلى توطاه
ولوعات قيس وماجرى له جرت له

مالاق له غيره من الناس مشهاه
ويعاف كل الخود لو عرضت له

ان شاف زوله مغرم القلب يبراه
وان غير صد مايلتفت له

أغليه لامانساه واذكر سجاياه
لوهو بعيد الدار نفسي هفت له

معذبي بالحب وان حل طرياه
اسرار ودي بالضمير اهتفت له

لو هو ظهر للناس وابدى محياه
كل الخلايق بالجمال اشهدت له

عزاه ياقلب على الصبر ماقواه
لو مابغى الفرقا عصت واخطمت له

عزي لمن دمعه على الخد مجراه
ودنياه غيب نورها مااسفرت له

قولو لبن سلوم ابو زيد ينخاه
يوم ان غارات الهوا صادفت له

يتابع الونات من كود ماجاه
لوكثر الونات مافرجت له

يهيم مثل موده وسط مضماه
يذكر سنين بالوداد ضحكت له

ماجت له الدنيا على ماتمناه
وذياب ياسه من حبيبه عودت له

يكفيه من جور الهوا ربع ماجاه
وتغيرت دنياه يوم اوجهت له

قلبه من الحرمان فاخت حناياه
من يوم باقي ايامها ماصفت له

هنيت من حصل مرامه بدنياه
والورق بلحون السعد غردت له

هنيت من حصل مرامه بدنياه
والورق بلحون السعد غردت له

المولع الي في طريق الهوا تاه
لومابغاه اشراك دربه سعت له

تاريخ التسجيل : 10/01/2010

كلمات ولا اروع
سلمت اناملك على الطرح
تقبل مروري

بنوتة

تاريخ التسجيل : 28/02/2010

كلمات جزلة ورائعة

يعطيك العافية تقبل مـــــــــــــــــــــــروري

مشكووووووووووور